शनिवार, 13 एप्रिल 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Updated : गुरूवार, 8 फेब्रुवारी 2024 (11:51 IST)

माजी मंत्री बाबा सिद्दीकी यांनी दिला काँग्रेसचा राजीनामा, लिहिले- काही गोष्टी न सांगितलेल्याच बऱ्या

Baba Siddique Resign महाराष्ट्राचे माजी मंत्री बाबा सिद्दीकी यांनी काँग्रेसचा राजीनामा दिला आहे. बाबा सिद्दीकी यांनी सोशल मीडियावर एक पोस्ट शेअर करत सांगितले आहे की, त्यांनी काँग्रेसच्या प्राथमिक सदस्यत्वाचा राजीनामा दिला आहे. 
 
बाबा सिद्दीकी यांनी सोशल मीडिया पोस्टमध्ये लिहिले की, 'मी माझ्या किशोरावस्थेत काँग्रेसशी जोडले गेले होते आणि गेल्या 48 वर्षांचा हा प्रवास खूप महत्त्वाचा होता. आज मी काँग्रेसच्या प्राथमिक सदस्यत्वाचा तत्काळ प्रभावाने राजीनामा देत आहे. मला बरंच काही सांगायचं आहे, पण म्हटल्याप्रमाणे काही गोष्टी न सांगितलेल्याच बऱ्या.
 
लोकसभा निवडणुकीपूर्वी महाराष्ट्र काँग्रेससाठी हा मोठा धक्का आहे. यापूर्वी माजी केंद्रीय मंत्री मिलिंद देवरा यांनीही काँग्रेसच्या प्राथमिक सदस्यत्वाचा राजीनामा दिला होता. बाबा सिद्दीकी हे मुंबईतील वांद्रे पूर्व मतदारसंघाचे माजी आमदार आहेत. ते अजित पवार यांच्या नेतृत्वाखालील राष्ट्रवादी काँग्रेसमध्ये प्रवेश करणार असल्याचं मीडिया रिपोर्ट्समध्ये म्हटलं जात आहे.